پسندیدہ کتابوں میں شامل کریں

ساتواں زینہ

نظمیں

رئیس فروغؔ

جمع و ترتیب: اعجاز عبید

ڈاؤن لوڈ کریں

ورڈ فائل

پی ڈی ایف فائل 

ٹیکسٹ فائل

ای پب فائل

کنڈل فائل

کتاب کا نمونہ پڑھیں…..

ہیلو گڈ بائی

تم کہتے ہو یس

میں کہتا ہوں نو

تم کہتے ہو ٹھہرو

میں کہتا ہوں چلو چلو

اوہ نو

میں کہتا ہوں اونچا

تم کہتے ہو نیچا

میں کہتا ہوں کیوں

تم کہتے ہو کیا خبر

اوہ نو

تم کہتے ہو گڈ بائی

میں کہتا ہوں ہیلو

ہیلو ہیلو

معلوم نہیں تم کیوں کہتے ہو گڈ بائی

میں کہتا ہوں ہیلو

کیوں کیوں کیوں

کیوں کیوں کیوں

تم کہتے ہو گڈ بائی گڈ بائی

ہیلو ہیلو خبر نہیں

تم کیوں کہتے ہو گڈ بائی

میں کہتا ہوں ہیلو

ہیلو ہیلا ہی با ہیلو آ چا چا

٭٭٭

جھاگ

باتھ روم کی کھڑکی

انتظار میں گم ہے

باتھ روم کا شاور

آبشار میں گم ہے

ایک پیڑ کے نیچے

پیار بھرا اندھیرا ہے

چوستی ہے وہ بے بی

اپنے ہی انگوٹھے کو

سات دن کے ہفتے میں

ایک دن میرا ہے

٭٭٭

بوسٹن ٹی پارٹی

ریڈ کوٹ گاؤں گاؤں پھیل گئے

لڑائی گلیوں تک پہنچ گئی

ریڈ انڈین اور پہاڑی لوگ افواہیں پھیلا رہے ہیں

کنگ کہتا ہے میں چائے پر ٹیکس لگاؤں گا

اسی لیے تو امریکہ کی نئی نسل کافی پیتی ہے

پہاڑوں میں آگ ہے

جس کے شعلے ہر تنور تک جاتے ہیں

اور امریکی صدر نے

ایک زخمی خبر کو

دانتوں میں دبا رکھا ہے

٭٭٭

ساتواں زینہ

میرے دل میں سات نام

چار مجھے بہکانا چاہیں

دو مجھ کو پتھرانا چاہیں

ایک رکھے بس چاہ سے کام

ساتویں زینے پر وہ لڑکی

شانوں پر سے شال پھسلتی

آہستہ آہستہ چلتی

مجھے نہ ایسے دیکھو لڑکی

دل کا پھول ابھی کھلنا ہے

چاہے ہماری ہار ہو بے بی

چاہے ہماری جیت ہو پیاری

دوسری بار نہیں ملنا ہے

کھٹ کھٹ کھٹ دروازہ کھولو

دیکھتی ہو تو پاس آنے دو

دو اک لمحے راس آنے دو

کھٹ کھٹ کھٹ دروازہ کھولو

٭٭٭