FavoriteLoadingپسندیدہ کتابوں میں شامل کریں

 

 

 

فہرست مضامین

جبینِ نعت

(حمدیہ اور نعتیہ مجموعہ)

 

 

 

               صفدرؔ قریشی

 

(اس کتاب سے تبلیغی غزلیں اور ماہئے الگ برقی کتاب کی صورت میں شائع کئے گئے ہیں، اور پنجابی تخلیقات نکال دی گئی ہیں)

 

 

 

 

 

خدا کے نام سے جو مہرباں ہے رحم والا ہے

 

حمد باری تعالیٰ

 

سب خوبیاں تجھی کو ہیں زیبا مرے خدا

نذرانہ و نیاز و عقیدت ہے حق ترا

 

خوشبو کے لمس رنگوں  کی جھلمل سے ماورا

کیا حسن ہے کہ حسن کے ہر رنگ سے جدا

 

یکتا و بے مثال ہے تو لازوال ہے

تیرے سوا ترا کوئی ثانی نہیں ہوا

 

تیرا وجود حیطۂ احساس سے بعید

تو ہے خیال و خواب و گماں سے بھی ماورا

 

منطق،دلیل و دعویٰ  و  امثال سب فضول

ہے خود بخود خد اسے تو ہر چیز آشنا

 

 

 

انتساب

 

دربار نبوت

کے

ثنا خواں

حضرت حسان بن ثابت

کے نام

 

 

 

 

دعا

 

ابو بکر ؓ و عمر ؓ عثمان ؓ و حیدر ؓ کی محبت دے

خداوندا مجھے دونوں جہانوں کی سعادت دے

 

بلالؓ و بوذرؓ و سلمانؓ کا حسنِ عقیدت دے

وہی ایمان ،وہی جذبہ  ،وہی نورِ  بصیرت   دے

 

میں اس قابل نہیں بیشک مگر یا رب یہ حسرت ہے

قیامت کو محمدؐ کے رفیقوں کی  رفاقت  دے

 

سلیقہ ہی نہیں مجھ کو دعا کا،التجا کایا عبادت کا

مجھے حسن طلب بھی دے،مجھے ذوق عبادت دے

 

الجھ کر رہ گئے ہیں ہم عجب پر پیچ راہوں میں

ہماری رہنمائی کیلئے صالح قیادت دے

 

جاہ و جلال و مال و حکومت پہ سب کو ناز

مجھ کو مگر یہ فخر کہ بندہ ہوں میں ترا

 

داتا  نظر کرم  کی ذرا اس فقیر پر

تیرے سوا نہیں ہے مرا کوئی آسرا

 

صفدرؔ کو تیرے  رحم و کرم کی اے بے نیاز

امید تو ضرور ہے کھٹکا بھی ہے لگا

٭٭٭

 

 

قطعہ

 

تری ذات والا صفات کا ادراک گرچہ محال ہے

مرے دل میں پھر بھی مرے خدا ہمہ وقت تیرا خیال ہے

جو مری  نگاہوں سے دور ہے مرے دل میں اس کا ہی نور ہے

بخدا خدا کا کرم ہے یہ کہ جدائی میں بھی وصال ہے

٭٭

 

نعت

 

نگاہیں بصیرت سے پر نور کر دے

دلوں کو محبت سے معمور کر دے

 

خدایا مری آرزو بس یہی ہے

کہ آئینِ  احمد ؐ کو مشہور کر دے

 

ترے واسطے کوئی مشکل نہیں

کہ ظلمت مرے  دیس سے  دور کر دے

 

وہ ہے مردِ  مومن کہ جوش جنوں سے

زمانے کی گردش کو مجبور کر دے

 

نئے ولولے دل میں  بیدار کر دے

نگاہیں امنگوں سے مخمور کر دے

 

ہو ہر سمت اخلاص  و الفت کا چرچا

نگاہیں امنگوں سے مخمور کر دے

 

ہو ہر سمت اخلاص  و الفت کا چرچا

زمانے کا اب ایسا دستور کر دے

 

اسی کج ادا کا ہے دیوانہ صفدرؔ

نظر سے دلوں کو جو مسحور کر دے

٭٭٭

 

 

 

نعت

 

مت پوچھ نسیمِ  صبحِ  چمن کس کیف میں عالم ڈوبا ہے

ہر سو نغمات کی بارش ہے میلادِ  محمدؐ  برپا ہے

 

دنیا میں آمد آمد ہے جانے کس جانِ  بہاراں کی

پھولوں پہ نشہ سا  طاری ہے  وجدان میں بوٹا  بوٹا ہے

 

و ہ نور کا دھارا صل ّعلیٰ خو شبو کا ایک سمندر ہے

سبحان اللہ سبحان اللہ انوار کا بہتا دریا ہے

 

الحاد کے سائے ماند  ہوئے ظلمت کا ستارہ ڈوب گیا

آفاقِ  عرب کے جھرنوں سے ا ک سبز سویرا پھوٹا ہے

 

عرفان و شعور و جنونِ  بشر لا فانی سرور میں ڈوبا ہے

ہر عالم رقصاں رقصاں ہے سردارِ  دو عالم آیا  ہے

٭٭٭

 

 

نعت

 

کہیں  بغض و عداوت کے جہنم میں نہ جل جائیں

مرے مولا محبت دے،محبت دے،محبت دے

 

ہمارے واسطے کیا خیر کا باعث ہے کیا شر ہے

تجھے معلوم ہے سب کچھ سو جو چاہے وہ نعمت  دے

٭٭٭

 

نعت

 

دل میں ہے ایسے یاد رسالت مآبؐ کی

جیسے مہک رہی ہو کیا ری گلاب کی

 

پَر تو ہیں سب صفاتِ  الٰہی کے  آنجناب

لَا ریب بے مثال ہے ہستی جنابؐ کی

 

جس نے حریمِ ذات کو بخشی تمازتیں

بیشک وہ روشنی ہے اْ سی  آفتاب کی

 

اِ سرارِ لا مکاں ہیں عیاں ان کے سامنے

گو یا وہ خود ہی رمز ہیں  لوح و  کتاب کی

 

آئے کبھی وہ  چاند  نظر مجھ کو  خواب  میں

کرنیں سمیٹ لوں میں رخِ ماہتاب کی

 

یادش بخیر اسم مبارک ہے کن اثر

حا لت سنور گئی ہے جہانِ خراب کی

 

بجلی سی کو ئی قلبِ نہاں میں ہے جا گزیں

کیفیتیں نہ پوچھ مرے اضطراب کی

 

جو خوش  نصیب عشق محمد ؐ  میں غرق ہے

پروا ہ نہیں ہے اس کو عذاب  و ثواب  کی

 

ہو گا جہاں میں اسمِ محمدؐ کا غلغلہ

صفدرؔ  کو ہے یقین قسم  بو تراب کی

٭٭٭

 

در منقبتِ علیؓ

 

گدائے مصطفیٰؐ حق کا ولی ہوں

کتاب دہر کا حرف جلی ہوں

مٹا سکتا نہیں مجھ کو زمانہ

کہ میں خاکِ  کفِ  پائے علیؓ ہوں

٭٭

 

نعتیہ

 

آج اہل جنوں بیباک ہوئے جانے کتنے دل چاک ہوئے

جو حسن کہ تھا  اک راز نہاں  وہ بن کے محمدؐ آیا ہے

 

وہ  خیر بشرجس نے صفدرؔ پہچان  کی دولت بخشی  ہے

اْس جان اَنا پر جاں صدقے یہ جان اسی کا صدقہ ہے

٭٭٭

 

 

نعت

 

نسیمِ بطحا چلی رحم کی گھٹا  چھا ئی

خزاں رسیدہ چمن میں بہار لوٹ آئی

 

دلوں پہ ماہ رسالت کی چاندنی برسی

نظر نظر میں کھلی روشنی توانا ئی

 

دھنک کا قافلہ صحرا کی گود میں اُترا

سراب وادی میں رنگوں نے خو شبو مہکائی

 

گداز نغموں کا امرت فضا میں گھلنے لگا

حیات لینے لگی پتھروں میں انگڑائی

 

نحیف ہاتھوں پہ لکھے ہیں انقلاب اس نے

اْسی نے  گنگ زبانوں کو بخشی گویائی

 

میں چودہ صدیوں کی دوری سے  دیکھ لوں ان کو

اے روح عصر مجھے بخش ایسی بینائی

 

نکال اندھے کنویں سے مجھے اے نور کرن

نگل نہ  جائے  مجھے ظلمتوں کی گہرائی

 

حرم کے نور سجھا سیدھی راہ صفدرؔ کو

بھٹک گیا ہے گھنی جھاڑیوں میں سو دائی

٭٭٭

 

 

نعتیہ قطعہ

 

 

جبینِ  نعت پہ قوسِ  قزح کے رنگوں سے

حسنؓ ، حسینؓ و علی ؓ اور بتول ؓ نقش کروں

 

بناؤں زائچے جب انقلاب کے صفدرؔ

ہر ایک نقش میں عکسِ  رسولؑ  نقش کروں

٭٭

 

 

 

نعت

 

 

جنت کی آرزو نہ مجھے خواہش جزا ہے

مری بندگی کا حاصل  فقط عشق مصطفیٰ ہے

 

فطرت کا معجزہ ہے راز دل خدا ہے

سرکار دوسرا ہے سردار انبیاء ہے

 

مرے عشق پر خدایا کرے کیوں نہ رشک دنیا

کہ حبیب مجھ گدا کا محبوب کبریا ہے

 

تری یاد بندگی ہے کہ متاع زندگی ہے

عرفان و آگہی ہے اک نور ہے ضیا ہے

 

اے منبع ہدایت لللہ کوہی بشارت

پھر چھا گئی ہے ظلمت انساں  بھٹک گیا ہے

 

میں ڈھونڈنے چلا ہوں آقا نئے سویرے

ایسے کٹھن سفر میں تیرا ہی آسرا ہے

 

آفاق پر جو صفدرؔ روشن نئی شفق ہے

لگتا ہے کوئی تازہ سورج نکل رہا ہے

٭٭٭

 

 

نعت

 

 

تری حدیثیں ،طریقے ،اصول نقش کروں

میں اپنے ہاتھوں پہ  سیرت کے پھول نقش کروں

 

لہو کے رنگ سے ،اشکوں کی روشنائی سے

تری کتاب کی شانِ  نزول نقش کروں

 

شفق شفق ترے جلوؤں  کی چاندنی بھر دوں

افق افق ترے قدموں کی  دھول نقش کروں

 

یہ آرزو  ہے کوئی ہم نوا ملے تو  حضورؐ

میں اپنے عہد کا حلف الفضول نقش کروں

 

یہ انتہائے  ہنر ہے کہ شیشۂ  دل پر

جو کر سکوں تو جمالِ  رسول نقش کروں

٭٭٭

 

 

نعت

 

بس اک قدم ہے زمان و مکان اس کے لئے

وہ فاصلوں کو نظر سے ہی ناپ لیتا ہے

 

اسے عبور ہے کون و مکاں کی وسعت پر

خلیج وقت کی لمحوں میں پاٹ لیتا  ہے

 

پکار تو ذرا اس کو ہجوم مایوسی

خدا کریم ہے سب  کی  پکار سنتا ہے

٭٭٭

 

 

 

نعت

 

 

کبھی تو دل میں خدایا مثالِ  نور آئیں

وہ جن سے حسنِ  نہاں  کا ہوا ظہور آئیں

 

نزول دل پہ ہو ان کا یا خواب میں آئیں

کسی وسیلے سے آئیں مگر ضرور آئیں

 

مثالِ ِ  طور ہے امید کی  شمع  روشن

غریب خانے میں شاید کبھی حضورؐ آئیں

 

ہر ایک شاخ  سے پھوٹے گی صد ہزار بہار

خزاں رسیدہ چمن میں اگر حضورؐ آئیں

 

بھٹک رہی ہے اندھیروں میں پھر سے خلقِ  خدا

صدائیں دیتا ہے انسان کا شعور  آئیں

 

درودِ پاک سے ماحول مشک با ر ہے آج

رچا بسا ہے  فضا میں عجب سرور آئیں

 

حضورؐ رقص کناں ہے شکستگی دل کی

عجیب کیف میں صفدرؔ ہے چور  چور آئیں

٭٭٭

 

 

نعت

 

وہ جس کا پھول بدن ہے  گلاب چہرہ ہے

اداسیوں سے گھرے جنگلوں میں مہکا ہے

نفس نفس  میں درود وسلام کی خوشبو

نظر نظر میں جمالِ حضور ؐ کھلتا ہے

 

وہ رشکِ شمس و قمر کہکشاں کے جھرمٹ میں

سیاہیوں سے اٹے آنگنوں میں اترا ہے

 

وہ اب بھی مردہ دلوں پر ،نحیف ہاتھوں پر

نئے زمانے نئے انقلاب لکھتا ہے

 

مرا  رسول ؐ زمانوں کے دل کی دھڑکن ہے

وہ  روح عصر ہے ہر عہد میں  دھڑکتا ہے

٭٭٭

 

نعت

 

بعد از خدا بزرگ  بجز مصطفیؐ ٰ   نہیں

سارے جہاں میں ثانی کوئی آپ کا نہیں

 

جس کا جنوں ہے عشق محمد ؐ سے فیضیاب

اس بے نوا گدا کی انا کو فنا نہیں

 

واعظ کو کیا مقام محمد ؐ سے آگہی

سوز و گدازِ عشق سے وہ  آشنا  نہیں

 

بھٹکا ہوا ہے نور و بشر کے سراب میں

اس بے خبر کو کیا خبر وہ کیا ہے کیا نہیں

 

اس کی  لطافتوں  کی کوئی انتہا نہیں

اس حسنِ بے مثال کو کوئی پا سکا نہیں

 

اس ذات با صفات کا ادراک کر سکے

احساس کو نصیب وہ عرفاں ہوا نہیں

٭٭٭

 

 

نعت

 

 

مری دھندلی  بصیرت کو حرا  کی روشنی بخشیں

عرب کے چاند اس بے نور گھر کو چاندنی بخشیں

 

میں اپنے آپ سے بھی آشنا ہونے نہیں  پایا

مجھے اے منبعِ  دانش شعورِ  آگہی بخشیں

 

میں تاویلات کے جنگل میں رستہ بھول بیٹھا ہوں

مری بھٹکی ہوئی دانش کو آقا رہبری بخشیں

 

وہ کیا دن تھے ہوا میں ناچتی رہتی تھیں خوشبوئیں

مجھے اپنے اسی ماضی کی پھر سے آگہی بخشیں

 

مرے گیتوں سے ٹھہرے پانیوں میں زندگی جاگے

پہاڑوں کو جو  پگھلا دے مجھے وہ راگنی  بخشیں

 

میں اس دھرتی سے پھوٹا ہوں خلا میں جی نہیں سکتا

مرے مولا  وطن  کی خاک سے وابستگی بخشیں

 

مری سوچوں کے صحرا پر بھی  ساون کی گھٹا برسے

مرے خوابوں کو نخلستان کی سی تازگی بخشیں

٭٭٭

 

 

قطعہ

 

تری ذات والا صفات کا ادراک گرچہ محال ہے

مرے دل میں پھر بھی مرے خدا ہمہ وقت تیرا خیال ہے

جو مری  نگاہوں سے دور ہے مرے دل میں اس کا ہی نور ہے

بخدا خدا کا کرم ہے یہ کہ جدائی میں بھی وصال ہے

٭٭

 

نعت

 

اس نور مجسم  سا حسیں کوئی  نہیں  ہے

لا ریب حسیں تر  ہے  وہ  ہر ایک حسیں سے

 

جو عشق محمدؐ ہے نہاں قلب خدا میں

دنیا کی ہے تخلیق اسی نور مبیں سے

 

اللہ کی قدرت کا ہے شہکار سراپا

انوار خداوندی ٹپکتے ہیں جبیں سے

 

دل میں ہے اگر عشق محمدؐ کی کسک تو

بت سارے اٹھا پھینکیے پھر قلب حزیں سے

 

صفدرؔ ہے اگر کوئی اثر آہ و بکا میں

لبیک کی آئیگی صدا عرش بریں سے

٭٭٭

 

 

 

نعتیہ غزل

 

 

دل میں ہیں تمنائیں نہ ہونٹوں پہ دعا ہے

اس وقت مرے دل میں  فقط  یاد خدا ہے

 

دھندلائی ہوئی  شکل و تشخص کی لکیریں

اور صورت و تصویر کا بت ٹوٹ چکا ہے

 

آزاد ہوا قید زمانہ سے مرا دل

ادراک و تصور کا فسوں ٹوٹ گیا ہے

 

اپنی ہے خبر اور نہ غیروں کا پتہ ہے

ہر جسم خلاؤں میں یوں تحلیل ہوا ہے

 

دیکھو تو سہی لا کا بھرم ٹوٹ رہا ہے

تھوڑا سا خدا مجھ کو نظر آنے لگا ہے

 

دیتا ہوں دعا تم کو مرے دل کے اندھیرو

تم نے ہی اجالوں کو نیا روپ دیا ہے

 

دیکھے تو کوئی میری یہ خاموش نگاہیں

طوفان بلا خیز نگاہوں میں چھپا ہے

٭٭٭

 

 

غزل

 

ہر شئے کا ہے اخراج تخیل کی زمیں سے

اجسام کی تجسیم ہے ایمان و یقیں سے

 

ہر لحظہ نئی دنیا کی تخلیق ہے ممکن

ایماں کا تعلق ہو اگر عرش نشیں سے

 

اتنی سی گذارش ہے زمانے کے خداؤ

لللہ مجھے میرا خدا لا دو کہیں سے

 

کلمہ ہے کہ اسرار و معانی کا ہے مخزن

اﷲ کی صورت ہے عیاں  لا  کی نہی سے

 

اچھا تو نہیں اپنوں سے پردے کا تکلف

رہتی ہے یہ تکرار مری دل کے مکیں سے

٭٭٭

 

 

نعتیہ قطعہ

 

زمانہ سارا مرے بر خلاف ہویا اے

مرے خدایا فقط تیرا اک سہارا اے

 

کما لے دنیا تے الفت حضورؐ دی صفدرؔ

جہان فانی تے سب کوڑ دا پسارا اے

٭٭٭

 

غزل

 

آثار و نقش کوئے پیمبر تراشتا

میں گمشدہ بہشت کے منظر تراشتا

 

مٹی خمیر کرتا کہ مرمر تراشتا

دست ہنر کسی کے مقدر تراشتا

 

پتھر کہاں ہوئے ہیں علامت حیات کی

مٹی سے کوئی قالب مضطر  تراشتا

 

آئینہ ساز ہاتھ ہنر اس کا  کانچ سا

لیکن رہا وہ عمر بھر پتھر تراشتا

 

اعجاز فن تو یہ تھا  کہ گونگے حروف سے

میں صوت جبرائیل کے پیکر تراشتا

 

لاؤ ں کہاں سے آج وہ خنجر صفت قلم

صفدرؔ میں انقلاب کے تیور تراشتا

٭٭٭

 

 

نعت

 

خود خالقِ کل  جس  کی  اداؤں پہ فدا ہے

وہ حسن کا معیار وہ من موہنی سی صورت

 

اک نقطے میں سب نور سمٹ آیا ہے گویا

ہے منبعِ   انوار و ضیا شمع رسالت

 

تھا راز کی صورت جو  نہاں قلب خدا میں

وﷲ محمدؐ کا تھا وہ نور نبوت

 

پھر کچھ نہ کبھی تجھ سے میں مانگوں گا خدایا

بخشے تو اگر مجھ کو محمدؐ کی محبت

 

اﷲ کے محبوب سے کرتا ہے محبت

صفدرؔ کی محبت  میں ہے خوشبوئے  رقابت

٭٭٭

 

ولادتِ  خیرالانام

 

پر کیف سی ہے آج  ہواؤں  کی طبیعت

اﷲ کے محبوب کا ہے یومِ  ولادت

 

مسرور خدائی ہے  خدا جھوم رہا ہے

بکھری ہے زمانے کی فضاؤں میں مسرت

 

افلاک سے انواربرستے  ہیں زمیں پر

روشن  ہے  جہاں عرشِ   خداوندی  کی  صورت

 

تخلیق کی معراج ہے تخلیقِ محمدؐ

تخلیقِ  خداوند کا  شہکار ہیں حضرتؐ

٭٭٭

 

 

قطعہ

 

کرتا رہا  لہو سے وضو تیرے سامنے

اے خاکِ کر بلا و ہ نمازی کدھر گیا

 

کہنے کوتو حسینی بھی اور کربلا بھی ہے

لیکن جو اک حسینؑ تھا صفدرؔ کدھر گیا

٭٭

 

قطعہ

 

باطل کی قوتوں سے ٹکرا گئے حسینؑ

جینے کا راز دنیا کو سمجھا گئے حسینؑ

وہ مرتبہ بلند کسی کو کہاں ملا

قوسین تک ہیں گویا  تنہا  گئے حسینؑ

٭٭

 

 

سلام

 

خیر الانا مؐ کا کو ئی قائم مقام دے

اس کر بلا  کو  میرے  خدایا  اما م  دے

 

تیرہ شبوں کو کوئی تو  روشن پیام دے

اے وقت یا مجھے ہی تو  اذنِ کلام دے

 

میں تشنہ کام کب سے کھڑا ہوں فرات پر

اے بحرِ  شوق اب تو  شہادت  کا جام دے

 

رفتارِ کج ادا نے کچل ڈالے ہیں ضمیر

کوئی تو ہو  جو  وقت کے منہ میں لگام دے

 

پھو ٹیں اسی کی کوکھ  سے نیکی کے زمزمے

اے آسماں زمیں کو زمیں کا نظام دے

 

حسنینؑ کے حوالے سے حق مانگتا ہو ں میں

تاریخ وقت مجھ کو تو میرا مقام دے

 

اک نام جس نے بخشی حرارت ضمیر کو

یا رب فقیر شہر کا  اس کو  سلام  دے

 

مینار عشق پر ہوں درودوں کی بارشیں

سچائی کے نقیب کو یا رب  دوام   دے

 

باد صبا  شہید  وفا کو  غلام   کا

نذرانہ سلام  بصد احترام  دے

 

صفدرؔ یہی ہے ایک دسیلہ نجات کا

پڑھتے رہو درود کہ محشر کو کام دے

٭٭٭

 

 

سلام

 

ٹوٹا تو ریزہ ریزہ زمیں پر بکھر گیا

صحرا کی گود  چاند ستارو ں سے بھر گیا

 

فصلیں سروں کی اگتی رہیں گی سدا  وہاں

شبیرؑ جس زمین کو سیراب کر گیا

 

آزادیوں کے پھول کھلے ہیں سداوہاں

جس  کھیت کولہو سے  وہ سیراب کر  گیا

 

آزادیوں کے پھول کھلے ہیں قدم قدم

جس راہ سے گذر کے میرا راہبر گیا

 

ہمت کسے تھی خوف کے صحرا کو پا ٹتا

لیکن وہ ایک مرد کہ جاں سے گزر گیا

٭٭٭

 

 

رسم شبیری

 

لَا الہ کے رخ سے اٹھتا ہے نقاب

کا ن کنزٌ ہو رہا ہے بے حجاب

 

ایک نقطے میں مقید ہے مکاں

ایک لمحے میں سمٹ آیا  زماں

 

اٹھ گئے پردے سبھی ما بین سے

پھر نگہ ٹکرا گئی قوسین سے

 

آج ہے صبر و رضا کا امتحاں

آج ہے مہرو وفا کا امتحاں

 

بندگی کی آزمائش کیلئے

دیکھئے اسباب کیا پیدا ہوئے

٭٭٭

غزل

 

کر رہا ہے عاجزی سے التجا

میں تیرا بندہ ہوں ربی العلیٰ

 

اپنی جھولی میں تو جو بھی پھول تھے

تیری عظمت پر نچھاور کر دیئے

 

پھر بھی یہ احساس ہے میرے خدا

بندگی کا  حق ادا نہ کر سکا

 

دیکھ کر رسمِ وفا  شبیرؑ   کی

کہہ اٹھی بیساختہ تقدیر بھی

 

آفریں اے  پیکر و  صبر و رضا

مرحبا یا سیدا یا سیدا

 

ظلم کی خونی گھٹا ہے چھا رہی

وقت سے پہلے قیامت آ رہی

 

خاک و خوں کا  کھیل کھیلا جائے گا

بند گی کو آزما یا جائے گا

 

کرب کے صحرا میں ہے تنہا  کھڑا

اک حسینؑ ابن علیؓ المر تضی

 

چار سو گو آگ کا سیلاب ہے

عاشقی پھر بھی بڑی بے تا ب ہے

 

ہے حریم ذات میں محشر بپا

لرزہ بر اندام ہے قصرِ  انا

 

کون آیا ہے یہ برزخ پاٹ کر

سب تکلف  کے  سلاسل  کاٹ کر

 

ہاں نبوت کا ہے یہ بطل جلیل

اس کی شہ رگ میں رواں خون خلیلؑ

 

فاطمہ ؓ زہرہ کا ہے یہ نور عین

اس کا نعرہ لا فتیٰ اِ لاحسینؑ

 

ہے یہ اس لمحہ زمانے کا اما م

اس کے ہاتھوں میں مقدر کی لگام

 

اسکے دل کی دھڑکنیں نبض حیات

اس کی مٹھی میں ہے گویا کائنات

 

اس کا ہر اک سانس ضرب کن فکاں

اس کی ہیبت سے لرزتا ہے جہاں

 

پھر بھی سبحان ﷲ ایسا انکسار

خاکساری پر ہے نازاں ذی وقار

 

سر بسجدہ ہے بصد عجز و نیاز

درمیانِ  کربلا فخرِ حجاز

 

موت کے سائے میں ہے محوِ نماز

اس کے سجدے پر نبوت کو ہے ناز

 

تن پہ اس کے خون  کا احرام ہے

یہ نمازی غیرتِ  اسلام  ہے

 

سیدھا رستہ اے خدا دکھلا ہمیں

بخش  دے  دنیا  جہاں کی نعمتیں

 

ایسے خوش بختوں کی ہم کو رہ دکھا

جن کو تو نے نعمتیں کی ہیں عطا

 

ایسے گمراہوں کے رستے سے بچا

جن پہ ہے تیرا  غضب نازل ہوا

 

آمین

 

اے خد اسن لیجئے میری دعا

آپ ہیں  بے شک مرے حاجت  روا

٭٭٭

 

 

منقبت

 

 

 

تیری قربانی ہے اک فتحِ عظیم

تیری قربا نی بھی ہے ذبح عظیم

 

تو نے نا ممکن کو ممکن کر دیا

داستانِ عشق مین خوں بھر دیا

 

کو ئی بھی ہوتا نہیں ہے با خدا

اسطرح ان دیکھے ا ﷲ پر فدا

 

عظمت انسا نیت کے پاسباں

تیری قربا نی پہ قرباں سب  جہاں

 

تیرا خوں توحید کی تازہ  دلیل

تو خدا کی ذات کی زندہ  دلیل

 

اے گلستان نبوت کی بہار

تیرے قدموں پر د ل و جاں سب نثار

 

سجدہ ء شبیر ہو تم پر سلام

عشق کی تعبیر ہو تم پر سلام

 

اے امامِ عاشقاں تم پر سلام

واقفِ راز  نہاں  تم پر سلام

٭٭٭

 

نماز

(منظوم ترجمہ)

 

الفاتحہ

(سورہ فاتحہ کا ترجمہ)

 

ہے خدا کے واسطے حمد و ثنا

جو ہے پالن ہار سب سنسار کا

 

سب سے بڑ ھ کر مہرباں سب سے رحیم

ہے وہی سارے کریموں کا کریم

 

ہے خدا ہی مالکِ روزِ  جزا

اس کو اندازہ ہے سب  اعمال کا

 

ہم بھی اور سارے کے سارے نیکوکار

ہیں خدا تیری اماں کے خواستگار

 

اس حقیقت کا ہوں میں ہر دم گواہ

ما سوا اﷲ نہیں کوئی الہ

 

اور اس کا بھی ہوں میں ہر دم گواہ

اس حقیقت میں نہیں کوئی شبہ

 

بندۂ مولا محمدؐ مصطفیٰ

با خدا وہ ہیں رسول کبریا

 

درود شریف

اللھم صلی علیٰ محمد

رحمتیں یا رب محمدؐ پر تری

بخش ان کو مرتبہ و برتری

 

تکبیر

اللہ اکبر

اعظم و اکبر عظیم و کبریا

ہے خدائے لم یزل سب سے بڑا

 

تسبیح

سبحانک اللہ۔۔۔۔

 

اے خدا تو  پاک ہے ہر عیب سے

اور ہے حمد و ثنا تیرے لئے

برکتوں والا ہے یا رب تیرا نام

اعلیٰ تیری ذات تو عالی مقام

ما سوا تیرے نہیں کوئی اِلہ

تو ہی ہے معبود برحق اے خدا

 

تعوذ

اعوذ باﷲ۔۔۔۔۔۔۔

یا الہ شیطان سے مجھ کو  بچا

ہے جو مردود و لعیں راندہ ہوا

 

تسمیہ

بسم اﷲ۔۔۔۔۔۔۔۔

مہرباں اور رحم والا ہے خدا

اس کے اسم پاک سے ہے ابتدا

 

اخلاص

قل ھو اﷲاحد

ایک ہے اﷲ کہو سب بر ملا

بے نیازی میں ہے وہ سب سے بڑا

وہ کسی کا باپ یا بیٹا نہیں

اور ہمسر کوئی بھی اس کا نہیں

 

سبحان ربی ا لعظیم

پاک ہے تو اے مرے پروردگار

تو عظیم المرتبت اے کردگار

سمع اﷲ لمن حمد

سن لیا میرے خدا نے سن لیا

میں نے اس کی حمد میں جو کچھ کہا

ربنا لک الحمد

سب ثنا تیرے لئے پروردگار

حمد ہے تجھ کو ہی زیبا کردگار

اﷲ اکبر

ما سوا اﷲ نہیں کوئی بڑا

با خدا  بیشک  وہی ہے کبریا

تشہد

التحیات لللہ۔۔۔۔۔۔۔

جسم و جان و مال و زر کی بندگی

بس خدا کے واسطے لازم ہوئی

 

اے نبی صلی علی خیرالانام

آپ  کی ذات مقدس پر سلام

 

آپ پر نازل خدا کی رحمتیں

آپ کو بخشے خدا سب برکتیں

 

اور پڑھتے ہیں فقط تیری نماز

سر جھکاتے ہیں بصد عجز و نیاز

 

بس تجھی تک ہے ہماری تو سعی

حاضری دیتے ہیں خد مت میں تری

 

ہم تری رحمت کے ہیں امید وار

دامن رحمت میں رکھیو کردگار

 

اور ڈرتے ہیں عذاب و قہر سے

توبہ کرتے ہیں عذاب و قہر سے

 

کافروں کے واسطے بیشک ترا

یا الہ غیض و غضب لازم ہوا

 

 آیت الکرسی

اللہ لا الہ الا ھو۔۔

 

آل و اولادِ  محمد ؐ پر مدام

یا الہ نازل ہو صلوات وسلام

 

ابراہیمؑ و آل ابراہیم پؑ ر

جو عنایت کی ہے وہ ان پر بھی کر

 

اے الہ بیشک تو ہی محمود ہے

تو عظیم المرتبت معبود ہے

 

برکتیں حضرت  محمد ؐ پر تری

اے خدائے لم یزل ہوں ہر گھڑی

 

اور ان کی آل پر بھی ہوں سدا

برکتیں نازل تری میرے خدا

 

ابراہیمؑ و آل ابراہیمؑ پر

برکتیں نازل جو کیں ان پر بھی کر

 

اے الہ بیشک تو ہی محمود ہے

تو عظیم المرتبت معبود ہے

دْ عا

رب اجعلنی۔۔۔۔۔۔۔۔۔۔۔

 

مجھ کو اور میری سبھی اولاد کو

پالنے والے نمازی کیجیو

 

یہ دعا یا رب مری مقبول ہو

روز محشر مجھ کو یارب بخشیو

 

والدین  و  اہل ایماں کیلئے

التجا کرتا ہوں سب کو بخش دے

 

 

 

دعائے قنوت

اللھم ایاک۔۔۔۔۔۔۔۔۔۔

 

حامی و نا صر ہے تو پروردگار

کیجیو امداد و بخشش کردگار

 

آپ پر تکیہ ہے اور کا مل ایماں

کر رہے ہیں آپ کی خوبی بیاں

 

ہم سبھی مشکور ہیں بارے الہ

آپ سے ہم کو نہیں کو ئی  گلہ

 

تیرے نا فرمانوں سے بیزار ہیں

دور ہیں ان سے جو نا ہنجار ہیں

 

تری ہی کرتے  ہیں پوجا اے خدا

کوئی بھی ا ﷲ نہیں تیرے سوا

 

ما سوا اﷲ نہیں کوئی خدا

ہاں نہیں معبود کوئی دوسرا

 

زندۂ جاوید وہ قائم مدام

ہے اسی کے دم سے یہ سارا نظام

 

وہ کبھی اونگھا نہ سویا  ہے کبھی

با خبر بیدار ہے وہ ہر گھڑی

 

آسمانوں میں زمین میں جو بھی ہے

بس اسی کی ملک ہے ہر ایک شئے

 

اس کے ہاں کوئی سفارش کیا کرے

بے اجازت کوئی کچھ نہ کہہ سکے

 

جانتا ہے وہ جو کچھ ہے پیش و پس

اس قدر اسکی نگاہ ہے دور رس

 

علم سے حصہ کوئی ملتا نہیں

جب تلک میرا خدا دیتا نہیں

 

چھائی ہے ارض وسما پر  اُس کی ذات

کرسیء مولا محیطِ  کائنات

 

ہر دو عالم کی نظامت  سے کبھی

وہ نہیں تھکتا حفاظت سے کبھی

 

وہ عظیم الشان  و عالیٰ  مرتبہ

اعظم و  اکبر،عظیم و عالیٰ  جاہ

٭٭٭

 

 

قطعہ

 

گدائے مصطفیٰ ؐ حق کا ولی ہوں

کتاب دہر کا حرف جلی ہوں

مٹا سکتا نہیں مجھ کو زمانہ

کہ میں خاکِ  کفِ  پائے علیؓ ہو

٭٭

 

 

رسم شبیری

 

لَا الہ کے رخ سے اٹھتا ہے نقاب

کا ن کنز’‘ ہو رہا ہے بے حجاب

 

ایک نقطے میں مقید ہے مکاں

ایک لمحے میں سمٹ آیا  زماں

 

اٹھ گئے پردے سبھی ما بین سے

پھر نگہ ٹکرا گئی قوسین سے

 

آج ہے صبر و رضا کا امتحاں

آج ہے مہرو وفا کا امتحاں

 

بندگی کی آزمائش کیلئے

دیکھئے اسباب کیا پیدا ہوئے

 

ظلم کی خونی گھٹا ہے چھا رہی

وقت سے پہلے قیامت آ رہی

 

خاک و خوں کا  کھیل  کھیلا جائے گا

بند گی کو آزما یا جائے گا

 

کرب کے صحرا میں ہے تنہا  کھڑا

اک حسینؑ ابن علیؓ المر تضی

 

چار سو گو آگ کا سیلاب ہے

عاشقی پھر بھی بڑی بے تا ب ہے

 

ہے حریم ذات میں محشر بپا

لرزہ بر اندام ہے قصرِ  انا

 

کون آیا ہے یہ برزخ پاٹ کر

سب تکلف  کے  سلاسل  کاٹ کر

 

ہاں نبوت کا ہے یہ بطل جلیل

اس کی شہ رگ میں رواں خون خلیلؑ

 

فاطمہ ؓ زہرہ کا ہے یہ نور عین

اس کا نعرہ لا فتیٰ اِ لاحسینؑ

 

ہے یہ اس لمحہ زمانے کا اما م

اس کے ہاتھوں میں مقدر کی لگام

 

اسکے دل کی دھڑکنیں نبض حیات

اس کی مٹھی میں ہے گویا کائنات

 

اس کا ہر اک سانس ضرب کن فکاں

اس کی ہیبت سے لرزتا ہے جہاں

 

پھر بھی سبحان ﷲ ایسا انکسار

خاکساری پر ہے نازاں ذی وقار

 

سر بسجدہ ہے بصد عجز و نیاز

درمیا نِ  کربلا فخرِ حجاز

 

موت کے سائے میں ہے محوِ نماز

اس کے سجدے پر نبوت کو ہے ناز

 

تن پہ اس کے خون  کا احرام ہے

یہ نمازی غیرتِ  اسلام  ہے

 

کر رہا ہے عاجزی سے التجا

میں تیرا بندہ ہوں ربی العلیٰ

 

اپنی جھولی میں تو جو بھی پھول تھے

تیری عظمت پر نچھاور کر دیئے

 

پھر بھی یہ احساس ہے میرے خدا

بندگی کا  حق ادا نہ کر سکا

 

دیکھ کر رسمِ وفا  شبیرؑ   کی

کہہ اٹھی بیساختہ تقدیر بھی

 

آفریں اے  پیکر و  صبر و رضا

مرحبا یا سیدا یا سیدا

 

تیری قربانی ہے اک فتحِ عظیم

تیری قربا نی بھی ہے ذبح عظیم

 

تو نے نا ممکن کو ممکن کر دیا

داستانِ عشق مین خوں بھر دیا

 

کو ئی بھی ہوتا نہیں ہے با خدا

اسطرح ان دیکھے ا ﷲ پر فدا

 

عظمت انسا نیت کے پاسباں

تیری قربانی پہ قرباں سب  جہاں

 

تیرا خوں توحید کی تازہ  دلیل

تو خدا کی ذات کی زندہ  دلیل

 

اے گلستان نبوت کی بہار

تیرے قدموں پر د ل و جاں سب نثار

 

سجدہ ء شبیر ہو تم پر سلام

عشق کی تعبیر ہو تم پر سلام

 

اے امامِ عاشقاں تم پر سلام

واقفِ راز  نہاں  تم پر سلام

٭٭٭

 

سلام

 

خیرالا نا مؐ کا کو ئی قائم مقام دے

اس کر بلا  کو  میرے  خدایا  اما م  دے

 

تیرہ شبوں کو کوئی تو  روشن پیام دے

اے وقت یا مجھے ہی تو  اذنِ کلام دے

 

میں تشنہ کام کب سے کھڑا ہوں فرات پر

اے بحرِ  شوق اب تو  شہادت  کا جام دے

 

رفتارِ کج ادا نے کچل ڈالے ہیں ضمیر

کوئی تو ہو  جو  وقت کے منہ میں لگام دے

 

پھو ٹیں اسی کی کوکھ  سے نیکی کے زمزمے

اے آسماں زمیں کو زمیں کا نظام دے

 

حسنینؑ کے حوالے سے حق مانگتا ہو ں میں

تاریخ وقت مجھ کو تو میرا مقام دے

 

اک نام جس نے بخشی حرارت ضمیر کو

یا رب فقیر شہر کا  اس کو  سلام  دے

 

مینار عشق پر ہوں درودوں کی بارشیں

سچائی کے نقیب کو یا رب  دوام   دے

 

باد صبا  شہید  وفا کو  غلام   کا

نذرانہ سلام  بصد احترام  دے

 

صفدرؔ یہی ہے ایک دسیلہ نجات کا

پڑھتے رہو درود کہ محشر کو کام دے

٭٭٭

 

سلام

 

ٹوٹا تو ریزہ ریزہ زمیں پر بکھر گیا

صحرا کی گود  چاند ستارو ں سے بھر گیا

 

فصلیں سروں کی اگتی رہیں گی سدا  وہاں

شبیرؑ جس زمین کو سیراب کر گیا

 

آزادیوں کے پھول کھلے ہیں سداوہاں

جس  کھیت کولہو سے  وہ سیراب کر  گیا

 

آزادیوں کے پھول کھلے ہیں قدم قدم

جس راہ سے گذر کے میرا راہبر گیا

 

ہمت کسے تھی خوف کے صحرا کو پاٹتا

لیکن وہ ایک مرد کہ جاں سے گزر گیا

 

کرتا رہا  لہو سے وضو تیرے سامنے

اے خاکِ کر بلا و ہ نمازی کدھر گیا

 

کہنے کوتو حسینی بھی اور کربلا بھی ہے

لیکن جو اک حسینؑ تھا صفدرؔ کدھر گیا

٭٭٭

 

قطعہ

 

باطل کی قوتوں سے ٹکرا گئے حسینؑ

جینے کا راز دنیا کو سمجھا گئے حسینؑ

وہ مرتبہ بلند کسی کو کہاں ملا

قوسین تک ہیں گویا  تنہا  گئے حسینؑ

٭٭

 

 

 

نعت

 

یہ تن،من،دھن سب اس پہ فدا

جو ذات کہ ہے محبوبِؐ خدا

 

اللہ کے ہاں اس کا درجہ

ہے عرشِ  علیٰ سے بھی اعلیٰ

 

دل میں ہو ہمیشہ اس کی طلب

ہونٹوں پہ صدا ہو صلِّ  علیٰ

 

سب جن و بشر خادم اس کے

جبریل بھی اس کے در کا گدا

 

وہ حسنِ  مجسم کیا کہنے

سبحان اللہ سبحان اللہ

 

یا رب یہ دعا ہے صفدر کی

سرکارؐ کا اب دیدار کرا

٭٭٭

 

نعت

 

وہ شاہدؐ ، پیمبرؐ ،مبشرؐ ،نذیرؐ

جہاں میں نہیں کوئی اس کی نظیر

 

چھٹی اس کے جلووں سے تاریکیاں

ہوئے اس کے جلووں سے روشن ضمیر

 

وہ شمعِ  ہدایت  ،منارۂ نور

وہ ماہِ  منور،سراجاًمنیرؐ

 

کوئی بشر ہو،نور ہو،نار ہو

نہیں ہے کوئی اس کے عشرِ  عشیر

 

سبھی اس کی سرکار کے کاسہ لیس

صحابیؓ ہو کوئی یا پیرانِ  پیرؒ

 

جسے خاکِ  طیبہ کی نسبت ملی

یہ دنیا ہے اس کی نظر میں حقیر

٭٭٭

 

حمد

 

اللہ، اللہ ،اللہ ھُو

خالق،مالک ،رازق تو

 

مشرق ،مغرب میرے خدا

چرچا ہے تیرا ہر سو

 

قوس و قزح میں تیرے رنگ

پھولوں میں تیری خوشبو

 

ہر آواز ہے حمد و ثنا

ہُو ہُو ہو یا کُو کُو

 

یا رب ایک تمنا ہے

آپ کو دیکھوں رو در رو

 

اس کے نام کے نغمے گا

قریہ قریہ،کو درکو

 

رب کو ہے محبوب بہت

ایک ندامت کا آنسو

 

توبہ کر وہ بخشے گا

پردہ پوشی اس کی خو

٭٭٭

 

 

 

قطعہ

 

ہر منصوبہ کو اب خیال

ہر نقشہ مکڑی کا جال

دنیا مکر ،فریب سراب

دل میں اس کا روگ نہ پال

٭٭٭

 

خلافت نیابت

 

خلافت ،نیابت،وراثت ہے کیا

مسلماں تجھے اس سے نسبت ہے کیا

 

اسی بات کو سوچ اس کو سمجھ

کسی کارِ  بے کار میں نہ الجھ

 

خلافت ہے پابندی احکام کی

یہ بنیاد ہے دینِ  اسلام کی

 

نیابت نبیؐ پاک کی پیروی

اسی سے مسلمان کی برتری

 

وراثت وراثت ہے قرآن کی

یہ پونجی ہے ہر اک مسلمان کی

٭٭٭

 

 قرآن

(دستورِ  زندگی)

 

 

یہ آئین میں ہے نہ فرمان میں

خلافت نیابت ہے قرآن میں

 

یہ دنیا کے آئین ودستور خام

خیالاتِ  باطل ہیں ناقص کلام

 

یہ ذاتی مفادات کی پوتھیاں

الجھتے خیالات کی گتھیاں

 

ہٹا کر نظر ان سے قرآن دیکھ

حقیقت ہے کیا اے مسلمان دیکھ

 

کلامِ  خداوند لا ریب ہے

کمی اس میں ہے نہ کوئی عیب ہے

 

سمجھنا اسے کوئی مشکل نہیں

عمل اس پہ کرنا بھی مشکل نہیں

 

مشقت ذرا سی تُو کر کے تو دیکھ

ذرا اس کے اندر اتر کے تو دیکھ

 

سمندر ہے بے پایاں حکمت کا یہ

ہے منبع خلافت نیابت کا یہ

 

ہیں مستور اس میں زمانے سبھی

زمانوں میں جو ہیں خزانے سبھی

 

زمانے کے ہر رخ کی تفسیر ہے

مکین و مکاں کی یہ تصویر ہے

 

جو حکمت بصیرت ہے قرآن کی

ضرورت ہے ہر ایک انسان کی

 

یہ قرآں زمانوں کا دستور ہے

یہی علم و دانش یہی نور ہے

 

زمین و فلک کے قوانین سب

ہیں موجود قرآں میں آئین سب

 

زمانے کے جتنے بھی ہیں مسئلے

وہ سارے ہیں قرآن سے حل ہوئے

 

مہد سے لحد تک کا سارا سفر

ہے تحریر اس میں پڑھے تو اگر

 

ہر اک درد کا دارو دکھ کی دوا

یہ قرآن ہے نسخہء کیمیا

 

یہ قرآن بخشے ہے سرداریاں

یہ سرداریاں ہیں ذمہ داریاں

 

حکومت عدالت کی تفسیر ہے

اسی سے زمانے کی تسخیر ہے

٭٭٭

 

 کلمہ

 

خداوند کا حکم طرزِ  رسولؐ

یہی ایک کلمہ ہے اصلِ  اصول

 

خدا کی جو مانے گا سردار ہے

یہ سردار سب کا ذ مہ دار ہے

 

اسی بات کو دل میں بٹھلانا ہے

اسی کو سمجھنا ہے سمجھانا ہے

 

خدا کے سوا کوئی کرتا نہیں

کسی سے کوئی کام ہوتا نہیں

 

جو خوش بخت طرزِ  نبیؐ پہ چلا

ہے دونوں جہانوں میں اس کا بھلا

 

مگر غیروں کی زندگی میں میاں

ہیں دونوں جہانوں کی نا کامیاں

 

یقیں یہ بنانا ہی ایمان ہے

یہ ایمان مقصودِ  قرآن ہے

 

اسی بات کو اپنے دل میں بٹھا

نہیں کوئی معبود رب کے سوا

 

یہ کلمہ تو اک عہد و اقرار ہے

یہ ایماں و ایقاں کا اظہار ہے

 

خدا کے اوامر طریقِ  رسول رسولؐ

یہی ایک کلمہ ہے اصلِ  اصول

 

اسی بات کو دل میں بٹھلانا ہے

بکھر کر زمانے میں پھیلانا ہے

 

یہی دل میں ہو اس کا اظہار ہو

یہی ذکر ہو یہ ہی تکرار ہو

 

خدا کے لئے ساری حمدو ثنا

نہیں کوئی معبود اس کے سوا

 

عقیدت محبت اسی کے لئے

ریاضت عبادت اسی کے لئے

 

خدا کے لئے ہے رکوع و سجود

نبیؐ کے لئے ہے صلٰوۃ و درود

 

لگا تو فقط لو اسی سے لگا

پلک بھر بھی اس سے نظر نہ ہٹا

 

توجہ اسی پر ہی مرکوز کر

خیال اس کا دل میں شب و روز کر

 

اکیلا ہے وہ اس کا ثانی نہیں

ازل ہے ابد ہے وہ فانی نہیں

 

وہ مالک ہے خالق ہے ہر چیز کا

وہی ایک رازق ہے ہر چیز کا

 

نہ ساتھی، نہ ساجھی نہ کوئی وزیر

مدد گار اس کا نہ کوئی مشیر

٭٭٭

 

٭٭٭

شاعر کا شکریہ جنہوں نے اجازت دی اور ان پیج فائل فراہم کی

ان پیج سے تبدیلی، عمل لفظی، تدوین اور ای بک کی تشکیل: اعجاز عبید